Sinu - Masterpiece

Deka ku betanya ngagai nuan sulu,
nama penyalah aku.
Nyentuk ke nuan ambai,
ditemu ku belalai,
bekirum surat enggau bungai.

Uji madah ke aku,
nyema nadai pengerindu,
cukup meh nuan beduan aku.
Enti udah nadai jalai,
badu meh tua begulai,
taja pedih beserara enggau ambai.

***
Ukai ku enda madah dulu suba,
nuan pan sanggup begulai merinsa.
Tang diatu aku dikemula,
jaku enggau ati udah enda sebaka.

Chorus:
Mulut madah sayau,tang pengerindu lenyau.
Aku ditu merampau, nadai nuan irau.
Ukai amu sayau,ukai ku amu pengerindu
tang atiku cukup sinu.

Taja nuan enda sayau,taja nuan enda rindu,
ku meruan ngenang nuan sulu.

Semina Tinggal Pengingat- Lucy

ngelamatu aku nadai nyangka
pengerindu nuan dibagi enggau iya
nuan enggau iya endang lama dah begulai
landik amai sulu makai belalai

Perasa ati meda pementas nuan
aku diibun dijaga enggau meruan
aku enda ngadang semuanya sulu
semina kena nambat pegerindu

Tinggalke aku iya dipilih sulu
aku enda sanggup dimadu pengerindu
lengka ke aku ti seduai sama rindu
aku kediri mai ati ti sinu

arapke seduai meruan begulai
nanggam pengerindu seidup sejalai
baka aku tu sulu udah nadai daya
semina ti ngenang ke pengingat tua