Sunday, 13 December 2009

Ujan Ke Ganti Ai Mata - Angela Lata Jua (Cover)

Enggai agi aku begulai enggau nuan sulu

nuan semina ngenusah ati aku

biar meh ujan ke ganti ai mataku

enggai agi aku nyabak ke nuan sulu



Ku nemu diatu nuan udah berubah
jaku semina manis di mulut aja
ukai sekali nuan ngemedis ati aku
nadai meh guna ku nyabak ke nuan selalu

Anang ngira aku tusah ati
aku senang oi
tiap ari ku merindang diri
aku senang oi
biar meh ujan ke ganti ai mataku

Sunday, 15 November 2009

Anak Umbung - Rickie Andrewson

Sebulan bulan aku idup merampau
sebulan aku seingau ingau
pengudah bekelala enggau nuan dara umbung
aku asai ke udah kena jayau

Bisa amat penemu kena nuan sulu
betabi jari ngasuh ati rindu
chukup meh pemisa penemu kena dara
ngasuh pendiau aku setengah gila

Nuan chukup berita sapa urang enda ngelala
bisi ngembuan jayau batu gula
nuan endang tampun puji
anak asi apai indai
anak umbung diau di atas meligai..

Thursday, 12 November 2009

Sulu Injau - Stella Philip

Naka penusah tua bakatu
begulai tua tu belala selalu
laban nuan sulu sempama baju
semina dipasuk diinjau aku

Nama meh nasib aku balatu
baka akar mina melit kayu
lapa enda suba tua betemu
sebedau nuan bisi urang ngempu

Repa amai jalai tua ti deka begulai
kada ke ulih ditebas tua ila ambai
naka penusah tua ti besulu
belali begulai belala betemu

Sulu injau nuan dikenang selalu
arapke nuan enda buai batu
berunding meh nuan ke aku tu sulu
undang meh aku kitu selalu

Sunday, 8 November 2009

Kumang Sebayan - Morrison Jeffry

Nama meh mimpi
ingatka nuan berari
selalu bisi belama
nuan ayan di mata

Enda kala aku tepeda
indu ti baka nuan nya
laban gamal nuan ti bajik
baka duyung di tasik

Puas aku bayam
pemanah gamal nuan
aku beperagam
nuan bisi ayan

Ari ni penatai nuan
nyangka nya kumang sebayan
sanggup ku danjan
asal begulai enggau nuan

Enda sanggup aku beserara
pegai jari nuan enda ku lengka
meruran begulai sama
nanggam ke tali semaya

Monday, 2 November 2009

Idup Berambun Ai Mata - Live by Jersie

video




Aku belagu maya Swinburne Cultural Night 2009. Ngena baju Urang Ulu..

Thursday, 22 October 2009

Nyabak Dalam Ati - James Jacob

ni ko nuan sulu,
penyamai nuan empu
ti sema jalai dituju nuan betul...

awak ke aku sulu
maie diri empu...
maie ati ti sinu enggau penuh asa...

nuan maie aku beserara...
ditagang ku nadai guna..
laban nuan udah milih iya..

nuan nerima peminta sida..
laban nuan udah ditanya..

nyabak aku di dalam ati..
ngenang nuan sulu ka belaki..
nadai aku ngarap agi..pengerindu...
ari nuan sulu..

buai ambis lengis sumua..pengingat..pengerindu tua..


Wednesday, 7 October 2009

Monday, 21 September 2009

Pengerindu Tua - James Jacob

Di tebing pantai tua selalu begulai
madu pengerindu tua ambai
dia nuan bejaku madah sayauke aku siku
gaga amai ati aku sulu

Enda kala aku senang lantang di dunya tu
agi bedau bepangan enggau nuan sulu
Nuan meh ke tali nyawa aku di dunya tu
jai manah nuan dipilihku sulu


Pengerindu tua nadai alai nyema
lebih besai agi ari dunya
ooo..penyayau tua sulu enda ulih dikira
lebih mayuh agi ari leka ujan

bejanji tua sulu minat tulung petara
ngambika meri berekat ke pengerindu tua
anang bula ke pangan anang bula ke janji
tua ti deka idup sekunsi

Thursday, 17 September 2009

Pengerindu Tua Lemas Tenggelam - Rickie Andrewson & Lydia Richard

Sinu aku ngenang semaya tua balang
nuan udah diempu urang

aku mega asa ukai nuan aja
tang tua udah nadai daya

Sayau meh pengerindu tua
mina agi belala
nyadi ke buah kenang aja

Tang nadai meh ko enggau
enda ulih dikesayau
janji tua lela rumbau

Gambar nuan ti agi bisi ku simpan

ngambike tanda nyadika pengingat nuan

Sayau pengerindu tua nyau lemas tenggelam

Nyangka nya udah selatan tua bepangan

Thursday, 3 September 2009

Download MP3 Popular Iban Songs

Betaban lari by Jessica Timah & Gilbert Gaong

Sulu meruan sayau by Melissa Francis

Kaul tua kelia by Jeffry Nyaloi

Lelengau by Bolkiah Rewinna

Baya pantai by Melissa Francis

Udah selatan idup sejalai by Rickie Andrewson & Melissa Francis

Idup berambun ai mata by Nor

Sabar dulu sulu by James Jacob

Sebana ngena lagu by Stevenson

Ngarapka langit belah dua by Angela Lata Jua

Thursday, 27 August 2009

Download MP3 Stella Philip Hits Songs

Duruk pengerindu

Ngentuk ke mimpi

sulu injau

Baka Perau Patah Kemudi - Maxwel

Sekumbang aku idup di dunya
pengidup enda jerih enggau pemerinsa
berumah tangga enda kala nyadi
baka pisang bebuah dua kali

Rarika ribut tetemuka ujan
larika sungkup tetemuka pendam
bakanya penusah ti aku sepi
puas udah ngelantangka diri

Ai mata naya nadai rega agi
kaban belayan suku juru enda peduli
tinggal aku idup mawa diau kediri
sempama baka perau patah kemudi

Tuesday, 25 August 2009

Betaban Lari -Jessica Timah & Gilbert Gaong

Bepangan tua sulu naka pengelama
begulai nadai jalai
apai indai nuan tetap enggai

Aku pan nadai daya alah laban sida ya
nuan sulu pilih aku
tang sida enda setuju

Enda nyangka pengerindu tua ditagang
ka begulai sejalai nyau tepagang

Enti nuan setuju manah tua betaban lari
nganti sida badu ringat baru tua mulaika diri

Ulih nuan meri ku masa nganti ku dulu bekira
sinu ga aku ngelengka ninggalka sida iya

Enti nuan kakang ati tua enda ulih jadi
menseti sama berani nempuh semua penguji

Kasih meh tua sulu alang-alang pengerindu
begulai enggai nyadi
apai indai enda seati

Ngajihka sida iya ngubah perangai
ngambika tua ila mujur begulai

Thursday, 20 August 2009

Kerimpak kacha lauya -Timothy

Baru dua tiga bulan tua sulu bepangan
nuan udah mayuh alasan
enti aku mai bejalai raun ke taman bungai
nuan madah bisi kerja bukai

Ujung ujung ku nemu rahsia nuan sulu
patut meh nuan enggai dibai aku
sekali aku meda nuan enggau lelaki nya
bejalai raun ngena kereta


Geram geram geram aku chukup geram
ti nitihka ati asai deka nerkam
nasib bendar aku ulih nyabar diri empu
ti enda pia seduai ku tikau enggau batu

Nama meh daya I don't know what to do
sulu ti disayau beduan aku
kumbai ku nuan intan pemata
enda nemu nya nuan kerimpak kacha lauya

Wednesday, 19 August 2009

Seapating Bungai Ke Tanda Tua -Andrewson Ngalai

Berasai tusah maya ku nerima sepating bungai
diberi nuan ku terima enggau pengambis ati
arinya nuan madahka aku
sepating bungai nyadi ke tanda pengingat tua

Udahnya nuan besemaya deka betemu baru
sampai saritu bedau betemu
puasku ngiga
dini semaya nuan enggau aku


nama kebuah atiku asai tu
lelengau amai dipuput ribut
nyangka aku udah bisi kena
diasal nuan enggau penemu

Ari beganti malam pan nyau betukar siang
penusah ati enda ulih diirupka penawar
semina nuan
bisi negmbuan ubat atiku...

Tuesday, 18 August 2009

Buah ati dirampas urang - Andrew Bonny James

Lemai ari ba pugu tanju ku duduk kediri
tegenung ngenang pekara ti udah nyadi
Ujan nyala kilat manchar nadai dipeduli
idup mati semua nadai dikenangi

Basah kuyu nerutu dagu ukai terutu ujan
ai mata naya tegal nuan
buah ati ti aku sayau dipadu enggau urang
nya meh ati aku bangat enda lantang

Aku nemu apai indai nuan enda nerima
laban aku anak urang miskin papa
Tua bejanji idup mati sigi tetap jadi
Ti enda pia kapa aku ngemuni diri

Nama sida enda nagang tua ari mula suba
kempang ati sida nyerara tua
nadai nasib tua bepangan lalu enda jadi
ngajihka nuan jadi enggau ya lantang berari

Monday, 17 August 2009

Puchau Lelengau - Swaylin

Baru bekelala semina seminggu
mua nuan bujang di mata selalu
nama kebuah ati asai tu
ingatka nuan enggai badu-badu

Jampat endar ati labuh pengerindu
bisa endar puchau lelengau sulu
Ngasuh atiku majak enggai rindang
dini ku nyabang sakang badu ngenang

Angat empa jayau pungka lelaki
rapit pengunci ati beraie

Sunday, 16 August 2009

Kaban - Lerry Silas

Kaban ngiga kaban..ati-ati milih kaban
mayuh kaban..ukai kaban

Kaban..makai kaban kaban
ngunyah kaban kaban
munuh kaban kaban
nyayat kaban...
mayuh kaban..macham-macham

Bisi kaban amat kaban
kaban tusah kaban nulung kaban
tusah senang sigi bekaban
nya meh kaban endang amat kaban

Bisi kaban semina bekaban
kaban tusah ya enda meda kaban
kaban lantang ya ngambu diri kaban
nya meh kaban semina nyemelih kaban

Ati-ati milih kaban
enggaika kaban enggau belaban
tusah senang maya bekaban
semina kaban nemu ati kaban

Kaban nipu kaban kaban
ngakal kaban kaban
ngerukuk kaban kaban
beduan kaban..
mayuh kaban ngambu diri kaban

Kumang Malaysia - Hillary

Bebaju biru kasut tinggi bechermin mata
nuan amai bajik enda salah baka Kumang Malaysia
Ngasuh ku tekait pala ngelu asaika gila (2x)

Makai enggau tinduk aku enda masuk
duduk bediri semua enggai nyadi


Bakani jalai bakani kira bakani chara
aku ka ngambi nuan nyadika ayam mata
sulu perembam dalam buah ati intan payung (2x)

Nganti ku nanya ngagai aya beliau
meri ku jayau batu pengelengau

Enti nyema aku ngempu nuan oh dara
asai ka kena tikit duit bejuta-juta
begawai besai nikah tua di rumah panjai
nuan endang sigi bini aku ambai

Download MP3 Hits Iban Songs

Beperang dalam petang by Winnie Albert

Joget Dollar Amerika by James Jacob

Patah Ke Lidi by Dom Romeo

Engka by Ethnic Transmission

Pulai meh sulu by James Ruai

Saturday, 15 August 2009

Seri Manis - Clemence Joy

Tusah meh ati aku bekira
ngenang nuan mai beserara
nama kebuah nama penyalah
alai nuan nyau berubah

Betaun-taun tua ti jadi
idup begulai melaki bini
enda disangka pengerindu tua
enda panjai begulai lama


Suba tua pemadu keran
nadai peduli ka jaku tagang
tang diatu udah bebali
penyayau tua betukar benchi

Nama daya nadai ga chara
aku sanggup pemai aja
seri manis tua ngelengka
besurung tinchin nya ke tanda

Friday, 14 August 2009

Semadi Entua - Lakuang Ading

Semadi amai aku ngenatka ati diri
diau ba rumah pan nadai meh reti
Tang ati ku sinu kasihka bini diri
laban ti baru dah jadi

Sangka ku nyamai nguai ke bilik nuan ambai
nemunya lebih tasah ari bilik diri
ngembuan entua semina ati ari
aku dikumbai ya menantu jai

Deka ku bejaku aku nadai daya
nangika tulah ngelaban entua
nasib aku agi ulih nyabar ati
laban kasih ke bini diri

Kumbai ya aku menantu nadai penuju
dikumbai muntat sendat nadai penemu
semua aku ti ngempu nasib
beasi belauk ke jaku jai

Agi bebasa ngenang nuan mentua
enti enda pia nuan ku bai belaya
kapa meh enda aku ngetatka ati diri
dipejaku disumpah dipejai

Thursday, 13 August 2009

DOWNLOAD MP3 LAGU-LAGU LINDA

AMBI AKU SULU

ANDAL MAGI PENGERINDU

ASAI ATI ENGGAI BESERARA

DOWNLOAD MP3 LAGU-LAGU JENNIFER JACK

CEMBURU

MASAU PENGERINDU

NUAN BERUBAH ATI

RINDU KE SULU

SERA NYAWA

SETENGAH JAM

SULU BULA KE SEMAYA

Anang Saru - Betty

Anang nuan saru ngumbai ku gila reta
aku ukai indu amu ba pengeraja
bisi empa bisi ti nadai kati ko enggau
mina aku minta kasih sayau

Badu nuduh aku nyangka utai sengapa
aku ukai indu bedaja ba kaki lima
sebedau bejai aku bepikir panjai-panjai
bisi kah kala aku makai belalai

Enti nuan majak ningaka jaku urang
enda lama rumah tangga tua rumpang
Pansik silik silik sebedau nuduh aku
anang majak nitih penemu diri empu

aku enda takut dibai nuan sarak
siti pinta aku, aku enggai magi anak
Nuan agi biak endang agi bulih baru
aku udah luya sapa ka ngempu

Wednesday, 12 August 2009

Adong Belalai - Andrewson Ngalai

Betaun tua dah jadi
begulai melaki bini
tua sama besumpah
enda ngayahka pangan diri

Aku nurun belelang
kereja ngiga belanja
nuan tinggal di menua
nyaga anak tua sekula

Tekenyit atiku ninga
anak tua udu sebana
madahka diri tusah
suah suntuk nadai belanja

Belanja ti aku beri
dikirum ka nuan ambai
patut belanja enda chukup
nuan bisi adung belalai

Mimit nadai ku nyangka
perangai nuan bakanya
anak ngati kediri
nuan enjoy peneka ati

Tuesday, 11 August 2009

Rawan Ati Ngempu Nuan - Rickie Andrewson

Berubah berinsur berubah
nuan nadai agi pemanah
enda baka nuan keudah udah
nyau mayuh utai ke salah

suba nuan enda beulah
diatu jauh berubah
suba nuan chukup pementas
diatu nuan pemanas

Nyelai amai nyelai
nuan udah jauh bebali
dulu nuan nelap ati
diatu nuan benci begedi

makin ari betambah nyadi
nuan nyerarai nyau baka api
enda ulih agi aku padam
ati nuan balat bedendam

Puntan penemu temati kutu
aku baka ke alah ayu
perangai nuan enda tentu menuku
enda meruan betul seredah selalu

suba ngembuan adat bebasa
mimit pan jaku nadai naya
aku diasi ke nuan belama
diatu aku nyau enda diguna

Ulah nuan amai berubah
nadai daya ku serba salah
ninting ari nuan ke mantah
semua pengawa ku nadai manah

nama ngasuh nuan bakatu
enda ninga ke rara aku
tusah aku majak negmbuan
rawan ati aku ngempu nuan

Monday, 10 August 2009

Sayau Nuan Enda Diempu Aku - Johnny Aman

Sayau meh nasib tua nadai
deka begulai idup suba
sayau pengerindu nuan enggau aku ambai
diatu udah lela baka gula

Nasib tua bisi buya pangan
nya meh ke pengingat dalam ati
asa amai ati enda jadi enggau nuan
begulai suba mina muni diri

Sayau meh temuda diperimba aku suba
diatu dipumai urang bukai
nasib ampit mimit bumai setaun dua
laban nadai nasib beri petara

Sinu aku meda baju lama
berupai amai diatu luya
badu tua ngenang pekara tua suba
buai ambis lengis dalam ati tua

Sunday, 9 August 2009

Aya Berantu - Jessica Timah

kenyau ari kelia aku ngelala nuan nya aya
taja begelar apai tang nadai berupai tuai
agi sigat dipeda agi ngasuh indu gila
banding enggau urang bujang seinchi pan nadai kurang


Erain atiku eran selambar pan nadai uban
nama meh ngasuh aya semampai biak dipeda
kada enda bisi nyimpan ngembuan batu melaban
bisi batu penyeri dipeda biak berari


Dini indu enda mayuh berebut ka nguntik aya
bisi utai ngembar tubuh ti ngasuh manis dipeda
bisa nyau baka ipuh tajam nyau baka laja
sigi nemu ngeruntuh ke ati sida ke dara


Laku enda bula laku tajapan aya dah tuai
urang tu endang berantu urang uindu nadai enggai
nyema ya aya mansa urang indu nyau sedekan
dijeling aya aja ngasuh enggai makai sebulan

Friday, 7 August 2009

Nadai Ganti Nuan- Winnie Albert

Chukup sinu..chukup sayau
ngenang nuan ti udah lenyau
tang kati ko enggau sulu
ati nuan enda ba aku

Nama tuju mansal diri
ti nadai pengerindu agi
manah sama ngatika diri
ari tusah nanggung pemenchi

Bedau pemerinsa ku ditinggal nuan pegi
enda ulih ke lari nuan dalam ati
nadai utai agi dikemisi idup aku
kelimpah ari nuan di dunya tu


Sayau meh ati sulu
enda baka ati aku


Patah tumbuh nyumbuk baru
tang nuan ba ati aku
sigi tetap nombor satu
nadai ganti nuan ba dunya tu...

Monday, 27 July 2009

BIAR BEKIKIS BULU BETIS- ANDREWSON NGALAI

BUKIT SEMATAN PULAU SUMATERA
GUNUNG SELINDUNG DI KOTA JAWA
DIA ALAI AKU BULIH NGASU PENEMU
BELAJAR PUCHAU LELENGAU SERIBU GUNA

AKU ENDA PEDULI AKU ENDA NGIRA RUGI
SEAGI AKU ENDA PUAS ATI
BIAR AKU AMBIS BEKIKIS BULU BETIS
ENTI NUAN BEDAU NYADI KA BINI

ILA NUAN DARA BARU NUAN NEMU AKU
DUDUK MEUGAU UGAU DI MUA PINTU
ILA NUAN DARA BARU NUAN NEMU DIRI
NURUN TANGGA BELAKANG ENDA MAI GARI

Saturday, 25 July 2009

PENGERINDU ALANG-ALANG- BETTY

KU TANAM PADI TUMBUHNYA LALANG
KU MERI PENGERINDU LEBU AJA BUJANG
PENYAYAU TUA TAK ALANG-ALANG
BAKA PERAU TI NADAI LUAN

SAMPAI MEH ATI NUAN SULU
NINGGALKA AKU KEDIRI
KU LELENGAU KU MERAMPAU NGENANG NUAN
SUBA NUAN MADAH DIRI
MATI IDUP ENGGAI NGELENGKA
TANG DIATU NUAN SULU NGASUHKU LEBU

SERURAN ENGGAU AI MATA
NGENANG DIRI NYAU ENDA DIGUNA
BAKA SUNGAI UDAH LANGKANG
TINGGAL PANTAI ENGGAU TINGGAL REBA

TUSAH ATI SIANG ENGGAU MALAM
BERUJAN KA AI MATA
ENDA NEMU KINI PENUNGA
MERINDANG ATI TI TUSAH

LAPA NUAN SERURAN NGASUHKU ASA

Friday, 24 July 2009

UDAH SELATAN IDUP SEJALAI- RICKIE ANDREWSON & MELISSA FRANCIS

SENGAJA AKU
KA NEMU PENALAM PENGERINDU NUAN SULU
TAJA PAN ATI TUA SAMA RINDU

TUA BEPANGAN
UKAI DITEMPA UKAI NYA PURA PURA
NADAI JANJI NADAI MIMPI AKU NGAYAH KA NUAN

TERIMA KASIH SULU
KE PEMNAH NUAN SANGGUP NERIMA AKU
NYADI PANGAN NUAN DI DALAM DUNYA TU
PANGAN NUAN DI DUNYA TU

NYANGKA DAH NASIB
TUA DIATUR PETARA BEGULAI
UDAH SELATAN TUA IDUP SAMA SEJALAI

Thursday, 23 July 2009

ATI TELIH BEPEDI - M BUJOI

KAPA ENDA AKU PEGI
MAI ATI TI TELIH
MAI ATI TI PEDIS SELALU BEPEDI
ASAI DITEBAK DURI

KAPA ENDA AKU LARI
MAI PEMEDIS ATI
BESABAR NADAI GUNA
MEDIS KA PALA
NGASUH AKU TU GILA

SEKALI KU DIPEJAI
DISUMPAH LALU DITUNDI
AKU ANAK MENSIA
UKAI JELU TUPI
BISI MEGA REGA DIRI

SEKALI ATI DISAYAT
SELAMA-LAMA KU INGAT
ENDA IBUH URANG BUKAI
APAI ENGGAU INDAI
KASIH SAMPAI KE PARAI

ANANG DIINGAT AGI
PENGERINDU ENDA NYADI
DIKENANG NADAI RETI
UDAH NASIB DIRI
MINA NGASUH BERAIE

Monday, 20 July 2009

ANAK TEMUAI - JOSEPHINE JALIN

TEKAIT KU MEDA GAMAL NUAN NYA
PENYIGAT NADAI ENDUR NYEMA
KETERUBAH YA MALU DIPEDA
DUDUKKU DI RUAI NUAN DATAI

SUAH KU NYELING DI TISI DINDING
NEMU NYA YA MEDA BELAMA
BERAT KU PANSUT NYINGKANG KE RUAI
NGILAP KE MUA BEJELING

NURUNKU NYAUK MANSA BA RUAI
KAKI KU NYINGKANG ENDA BERASAI
NEMU NYA MANDI ANAK TEMUAI
LALU BEKELALA DI RANTU JALAI

TUA BEPADU DUDUK DI RUAI
BESUMPAH NANGGAM SEMAYA
SAYAU NEMUAI YA ENDA LAMA
ASA MEH ATI BEGULAI

Sunday, 19 July 2009

SEMINA DUDK BERIMBAI - ANDREWSON NGALAI(COVER VERSION)

ENDA KEMPANG ATIKU BERIMBAI ENGGAU NUAN SULU
LABAN GAMAL NUAN AMAT BAJIK DIPEDA AKU
TANG AKU NGUJI MAI ATI AKU TI BERANI
ENGGAU KU ARAPKA NUAN ANANG MEGA RANSI

JARIKU BEGETAR KAKIKU BEGEGAR
PENAT ENDA KU ASAI LABAN TUA BERIMBAI
DUDUK KU ENDA NYAMAI BEDIRI ENDA NYAMAI
ENDA KEMPANG KU MEGAI TAJA DUDUK BERIMBAI

Saturday, 18 July 2009

SABAR DULU SULU - JAMES JACOB

DINGA LAGU AKU DITUJUKU NGAGAI NUAN
LAGU CHUKUP PENGERINDU
MERINDANG NUAN SIANG ENGGAU MALAM

MINA NGENA LAGU AKU
TI DIPASANG DJ RADIO
ULIH MANTUPKA PENGERINDU
LABAN LAMA ENDA ULIH BETEMU

ANANG NUAN IRAU SULU
ILA AKU TETAP DATAI
DATAI MAI KABAN BELAYAN
KA NGAMBI NUAN NYADI KE BINI

DIATU AKU BEDAU LANTANG
DUIT AKU BEDAU CHUKUP
AGI BEGIGA BELANJA
DIKENA TUA RAMI ILA

MINA SITI PINTA AKU
ARAP SABAR DULU SULU
NGANTI PEMULAI KU ILA
TUA SAIN NGAGAI PENGULU

Friday, 17 July 2009

NGARAPKA PADI LEBAT BEBUAH - MAXWEL F SARAN

NGARAPKA PADI BEBUAH ENDA BEBUAH
NEMU NYA LALANG BEBUNGAI LALANG
SULU KU LARI NADAI KEBUAH
BETABAN JADI ENGGAU LAKI URANG

NAKA PEMANAH CHURA BUNGAI CHEMPAKA
TANG SAYAU LAYU DI TENGAH ARI
SULU KU PEGI NADAI PENUNGA
BESUMPAH JADI LALU ENDA JADI

TEKENANG MAYA AGI SEKULA
TUA NANCHANG TALI SEMAYA
MAYA NYA TUA SUAH BEKIRUM SURAT
NGASUH PENGERINDU TUA MAJAK RAPAT

NADAI KU NYANGKA TANGKAI BUNGAI BEDURI
DIPEDA MANAH DIPANDANG MATA
NADAI KU NYANGKA ATI NUAN JAI
SANGGUP NGASUH BALANG SEMAYA

Wednesday, 15 July 2009

MAKIN SARI MAKIN SAYAU- JENNIFER JACK

NAMA KEBUAH ATIKU RINDU
KERAN AMAI AKU DEKA BETEMU
PENGUDAH BETAUN TUA BESULU
AYAS NUAN DI MATA AKU

TANG NAMA MEH DAYA JAUH MENUA
MINA BETEMU DALAM MIMPI AJA
KEMAYA TUA ULIH BETEMU MUA
MUTUS JAKU SEMAYA


MAKIN SARI MAKIN SAYAU
PENGERINDU ENDA BADU
MAKIN SARI MAKIN SAYAU
ATI RINDU ENDA LEJU

NADAI NUAN ATI BERAIE
NADAI NUAN AKU SUNYI
TINGGAL NUAN KU KEDIRI
SEILU-ILU AKU NGANTI

KADA ENDA MINA AKU AJA RINDU
PENGELAMA TUA UDAH BEPANGAN
AMBI KU NYADI BUAH KENANG SULU
AYAN DALAM MIMPI MALAM NUAN OO..

BRIDGE:
BESAMPI NGAGAI PETARA
MINTA NADAI NGAWA
NGAJIHKA TUA ILA MENYANA

Tuesday, 14 July 2009

BUJANG LELAYANG - RICKY EL

TAJA DAH APAI URANG AGI BISI PELUANG
ANANG MACHAM-MACHAM AGI ENSEM
SEKALI ENGGAU BERIMBAS BAKA UMUR 18
NEMU NGASUH SARU AYA KITA TU

PAMA…AYA KITA AMAT PAMA
AGI DIJELING AGI DIPERENING BALA INDU DARA
LAKU…IYA AGI LAKU
NADAI GA JAYAU NADAI PENEMU TANG NGASUH RINDU

ENDA GA BANGAT SIGAT
TANG YA BERANTU AMAT
SEMPAMA BAKA GULA
TUTU SEMUT BELAMA

IYA AMAT BEREGA BAKA TAJAU SINGA RAJA
TAJA UDAH LAMA TANG AGI DIGUNA
DINGA MEH KITA WAI ENSUMBAR TUDAH TUAI
LELAYANG TEREBAI MANDI LEMAI

SERA NYAWA - JENNIFER JACK (COVER VERSION)

NYAWA SAPA SELALU NYAPA
NENGKILAH REMANG IBUT NYEPU
MAI KABAR JAKU BERITA
NGAGAI NUAN OH WAI SULU

NYAWA SINU NABUR MENUA
MERINDANG MALAM MAYA LEMAI
ATI TUSAH ENDA DI DINGA
MAI BERITA JAKU LALAI

NYAWA SINU NABUR MENUA
NGASUH ATI BALAT BELALA
KASIH SAYAU SERA NYAWA
LALU NGUNDANG NABUR MENUA

ATI SINU NGASUH LELENGAU
NGENUSAH ATI MERAMPAU DIAU
ATI TUSAH ENDA BEJAKU
NENGKILAH REMANG RIBUT NYEPU

Friday, 10 July 2009

RAHSIA ATI - ANDREWSON NGALAI

BAKANI AKU KA DIASUH NYELAM
ENTI AI SUNGAI KELALU DALAM
BAKANI KA DIASUH NYAGAM
AKU UKAI URANG KE BERENDAM

BAKANIKA AKU KA NYADI NEKA
ENTI ENTELAH ENDA BEULU LUNGGA
ENTI MINA NINGAKA LALAI AJA
UDAH TENTU AKU ENDA NEMU NGIGA

NUAN TEGUH NGEMBUAN RAHSIA ATI
NADAI SIKU MENSIA ULIH NERASI
ATI NUAN AMAI LIAT BELALAI
KU ENDA NEMU BAKANI KA MANTAI

PADAH TERUS TERANG ISI ATI NUAN
ANANG MAIN BEUMPAN UMPAN

KA AKU NGUMBAI NUAN NADAI PENGERINDU
TANG NUAN SELALU MAI KU BETEMU
TUSAH AMAI AKU KA NYAGAM
RAHSIA ATI NUAN KELALU DALAM

Thursday, 25 June 2009

JAMAH UDAH JAPAI UDAI - LINDA

ANANG KA JAMAH UDAH JAPAI UDAI
TI MINTA PANGAN DIRI ARI APAI INDAI
MULUT NYEBUT SIGI SENANG
ENTI ATI DIANJUNG NUAN AGI MEKANG
ENGGAI KA ILA SEMAYA LELA NYADI BALANG

UDAH NYA NUAN NGELENGKA AKU KE NGASAI
NYAU TEKAPA-KAPA AKU UDAH TESAT JALAI
KETERUBAH KU ANDAL-ANDAL
KEDUDI AKU NESAL
KU ANYUT BAKA KAYU LALU TEDAMPAR

NYA DIKEENGGAI KE KU BEPANGAN ENGGAU BEAMBAI
NGENA JALAI BERAMPAS LALU MUDAH DIJAPAI
UKAI NYA AKU BAKA TI NYENGKAU BUNGAI
PEDA LALU DIPATAH LALU KA DIBAI PULAI
AKU BISI APAI INDAI

ASAI-ASAI KE DULU APIN SEGUALI
ANANG LALAU KA NGELUA TI UDAH MAKAI
BERUMAH TANGGA UKAI SARI
ANANG DEKA NGAGA PEMENCHI
NADAI KEBUAH ENDA NGUNA APAI INDAI DIRI

BISI SECUPAK NGIGA SEGANTANG - MELISSA FRANCIS

UDAH BISI AKU NUAN KA NGIGA BARU
UDAH BISI PURIH KA NGIGA LEBIH
MIMIT AKU ILAP NUAN LALU LESAP
MAYA KU NADAI NUAN MAKAI BELALAI

NUAN BEDAU MEDA ENTI AKU NYIDA
KADA NUAN TAN ENTI AKU GIDAN
KADA KE NUAN KA ENTI AKU NUNDA
ANANG NITIHKA PENGERANGKA MATA

BISI SECUPAK NGIGA SEGANTANG
BISI SETABAK NGIGA SETIBANG
DAH BISI BAGI
DAH BISI UNGKUP
TANG ENGGI NUAN ENDA NEMU CHUKUP

BISI MAYA NUAN DATAI BA TUCHUNG
BEBELAT LABUH KE ARUNG
BARU NUAN NEMU
NYELAK KE MATA
MEDA TUBUH DIBALUT DOSA

ENTI ULAH AKU BAKA ULAH NUAN
TENTU NUAN MALU DIPEDA KABAN
KADA DIATU API BEDAU NYERARAI
MANAH NUAN NGUJI NGUBAH PERANGAI

Wednesday, 24 June 2009

DINGA MEH -M BUJOI

UKAI AKU ENDA SAYAU KE NUAN
UKAI AKU ENDA RINDU KA NUAN
LABAN BA ATI UDAH NADAI PENGERINDU
AWAKKA AKU MAI ATI TI SUNYI

BADU AGI NUAN BADU OH SULU
BADU AGI NUAN NGIGA KE AKU
CHUKUP MEH NUAN MEDIS KE ATI KU
TEJUKA AKU NGASAI PEMEDIS ATI

DINGA...DINGA MEH OH SULU
UKAI AKU ENDA SAYAU KE NUAN
DINGA...DINGA MEH OH SULU
UKAI AKU ENDA RINDU KE NUAN

PENGINGAT BESULU- ACHIK SPIN & SITI NORDIANA

UDAH KU NGUJI
MINTA PENGERINDU NUAN
AWAKKA NYADI TANCHANG TALI MATI

TANG NADAI MEH DAYA
PUNTAN MEH JANJI TUA
NYANGKA DIATUR PETARA


UDAH LAMA TUA BEGULAI
BESULU TUA BEAMBAI
SIGI ENDA PENGERINDU BALANG
ATIKU MINA NUJU NUAN

INGATKA MAYA BEGULAI
BETUNDI TUA BEGAGAI
TI SEMA NUAN NYAU RINDU
NYA MEH NYADIKA PENAWAR


NAKA PENGELEBU ATIKU
PENYAYAU KU NUAN ENDA NGIRA

PUTUS PENGERINDU TUA
NYANGKA SELATAN NENTU KA YA


BERAIE ATI AKU
AKU BERASAI SINU
ANCHUR MEH PENGARAPKU
AMPUN KU SULU

PENEGRINDU NUAN BERUBAH
AKU PAN NADAI NYANGKA
NYA KE SERAH NUAN
PEGI MEH SULU....

TAJA PENGERINDU JAUH DITANGGAM
SAMA NGEMERAN ATI TI TUSAH
NGARAP DUDI ARI ILA
BEGULAI SEJALAI

LELENGAU - BOLKIAH REWINNA

TEGENUNG KEDIRI
ENGKADAH BINTANG DI LANGIT
RUNDINGKU PAN TEREBAI TINGGI
NGENANG SULU TI JAUH


TIAP ARI LELENGAU
INGATKA SULU DISAYAU
IGIN KA BETEMU


KEMAYANG NUAN AMBAI
SERURAN DATAI NGERIMBAI
TUCHUM LALU BERANDAU ENGGAU AKU
BECHERITA TENTANG PENGERINDU


TAJA JAUH DI MATA
TANG DIATI SEMAK BELAMA
INGIN KA BETEMU (KU RINDU)


DINGA MEH SADA NYAWAKU
TI LELENGAUKA NUAN SULU SEILU-ILU
DATAI MEH NUAN NGAGAI AKU
NGUNDANG KU KITU
NGUBAT ATIKU TI LELENGAU KE NUAN SIKU


AKU ARAP KE PETARA
NINGA AKU TI SEBANA
AKU LELENGAUKA IYA..

Tuesday, 23 June 2009

Belaki tumu - Joyce Menti

asaike enggai aku mulai
pengingat tua suba
tajapan ku buya begulai
enggau nuan berumah tangga

kebuah suba ku nerima
enda nyangka nuan pama
laban ati endang amai keran
alah umbuk bala sekaban

enti seleka ku bejaku
nuan nimbal enda badu
semampai suah nuan berani nyau datai jari

ninting ari ku kediri
nuan nadai kala bisi
nurun pagi suah pulai dini ari

nesal aku nesal udu
laban udah belaki tumu
taja mimpi sumpah antu
ku enggai pulai enggau nuan baru

manah agi aku mati
ari ngambu nuan ke laki
laban suba nuan udu
ngayah enggau beduan aku

Idup berambun ai mata - Noor

Ninting lemai aku sebana
idup enggau ai mata
enda kala aku asai tu
idup enda kala menuku

mimit enda aku nyangka
nuan sulu mungkir janji
enda ga berasai lama
tua sulu udah idup sekunsi


nama agi pengaga dalam ati
idup diau di dunya
ninting ari aku sebana
berambun enggau ai mata

aku sigi enggai sekali
bekunsi ke pinggai siti
nyamai agi ku nyurut diri
ngiga jalai kediri

Keling Ati -Natala

Keling ati manis tuchum nuan
ngasuh lelengau siang enggau malam
gamal sigat ngait ba ati
rindu atiku meda nuan


keling ati ayam mataku
sari enda betemu asai setaun
ati lantang meda nuan kelingku
keling ati aku sayau


ujung dunya baiku sereta
nuan siku keling ati


keling ati bai meh aku terbai
penyayau ba ati terang bulan bintang

Friday, 19 June 2009

Kena Jayau Tubuh Nuan - Andrewson Ngalai

Nadai kala aku ngasai
utai asai tu
pengelama udah beambai
chukup pengerindu

Ninting ari nuan diati
pulai beraie
asai-asai ke udah jadi
melaki bini


Beterus terang ku madah
diatu aku enda betah
selalu ngenag nuan
siang enggau malam

enti nuan bisi terupung
deka ngasuh nuan nilik
aku selalu tegenung
di dalam bilik

Nuan asai ke dipeda
sereta ayan
nyangka aku udah kena
jayau tubuh nuan

Asai ati enggai beserara - Linda


Dalam atiku nyabak belalai

ai mata labuh enda berasai

ngenang tua ti enda segulai

baka pisang ti enda setangkai



Dulu suba lembau agi ngenang

tua begulai malam enggau siang

nadai kala besengki ke leka jaku

sama ngembuan siti pengerindu



Asai ati enggai beserara

laban sigi ka berumah tangga

udah nasib tua enda jadi

baka jam ambis sain mati

baka jam ambis sain mati


Aku arap ke nuan lantang belama

bulih ganti indu ti menyana

baka aku udah nadai daya ambai

baka kayu seruran meragai

Beperang Dalam Petang - Winnie Albert


Aku enda peduli

Diri empu ke dudi

Telanjur ku puni

Enggai ngalah Kediri


Ngenggam bara api

Biar meh nyadi arang

Buji dah rugi

Enggai aku tu enggai alang-alang


Aku enggai mekang-mekang

Berebut ke utai urang

Enda ku mina ka nganjung jari puang

Ukai nya senang-senang

Ukai nya muntang-muntang

Deka ngulih ke utai urang



sempama ka beperang dalam petang

Bedau temu meh sapa ulih menang

Monday, 15 June 2009

Nyabak Sebulan - Rickie Andrewson

nadai guna nuan nesal
pekara ti lama udah ngelebus
ngambi nuan belajar bepikir
sebedau ngaga pemutus

baru nuan enchelak
ngelala chelum enggau burak

suba nuan lanchat manding
ke gamal aku enggau urang bukai
kala enda diperening
maya ku ka nguji mai bejalai

nuan meda ku ngepai
sengaja malik ke bukai

bedau lama tekenyit aku tepeda
nuan datai nyau beterenjui ai mata

minta ba aku sedekah pengerindu
kena nuan mampul telih ngelamatu
baru nuan nemu ni chelum ni burak
udah sebulan enda ngetu nyabak

aku enggai nyadi nentu
bakani pengujung pengerindu tua
tang diatu bedau temu
ati ku kada ke agi tebuka


kitai mina merambu petara nentu ka semua

Sunday, 14 June 2009

Timang Pemansang - Iban Patriotic Song

Gerempung kitai mansang sereta
indu lelaki mayuh bebala
rajin gawa pandai sekula
sama begempung ngemansangke bansa


Iring nembiak ransing mereti
belajar bebendar di university
ngaga penemu reti teknologi
gaga bulih diploma tinggi degree


Untung benasib rakyat Malaysia
Lantang senang udah merdeka
Untung benasib rakyat Malaysia
Menua likun perintah nyaga


Selalu bejaga semua kitai
ari penusah dadah ti ngasuh parai
Adat basa selalu dipegai
anang nempina ke urang ti tuai


Menua pesisir berasai nyamai
ari diatu udah datai jalai
Sama rajin ekonomi ngerembai
wawasan 2020 pedoman kitai


Berkat nasib Malaysia merdeka
anak Sarawak untung semua
Berkat nasib Malaysia merdeka
selamat Sarawak mansang belama..


Lyrics by:YB. DATUK PATINGGI TAN SRI (Dr) ALFRED JABU AK. NUMPANG

Friday, 12 June 2009

Badu Beraie -Natala

Nama kebuah nuan bingung
duduk betungkat dagu
Nama ngasuh ati nuan bingung
baka burung ti runggu


Badu ngenusah ati diri
dunya besai alai begiga
patah tumbuh lenyau beganti
enda bulih saritu pagila lusa


Nadai guna nuan selalu beraie
bungai ukai setangkai kesulai ukai siku


Tetap ke ati
serah ke Petara
ngicha ke nyangkung
pengidup tua..


Utai ke udah awak ke udah
nadai guna dikenang agi
Nya semina ngasuh tua tusah
nyamai badu dikenang agi

Monday, 8 June 2009

Biar Aja Meh - Ernesto

Nuan chukup ngemedis ke ati aku
Tuchum nuan bisa baka duri nibak dada
Sunyi nadai di dinga
Pan telih hati aku ketegal sulu


Aku enda nyangka nuan baka tu
Semina deka ngasa ke ati ku ambai
Mimit nadai ku nyangka
Nuan tau berubah bula ke semaya

Baka ati aku
Nadai agi bepeluang nerima nuan
Chukup meh naka tu
Jalai tua begulai ngau pangan diri

Biar aja meh aku merampau nadai nuan dara
Biar aja meh aku bejalai nujah menua…
Kediri aja

Patah Ke Lidi -Dom Romeo

Seagi Tasik Enda Langkang,
Seagi ari... Ngada Ke Siang,
Aku Sigi Agi Ngiga Nuan,
Nyidi Datai Ke Lubang Sebayan...

Seagi Bulan Tau Ngeleman,
Kebelik Bintang Di Langit Mingkai,
Aku Sigi Agi Nginau Nuan,
Taja Tua Tama...Jalai Batang Mandai...

Pait Asai...Dibuai Nuan Ambai,
Naka Pemanis Enti Panjai Begulai,
Aku Sigi Enda Nyabak Belalai,
Ngangau Ke Nuan...Minta Ambai Pulai...

Iga Nuan Kelalu Kempang,
Bekisai Buai Ke Bekau Kenang,
Ketegal Reta, Dunya Enggau Wang,
Ninggal Ke Aku...Merinsa Umang...

Rintas Ketas, Patah Ke Lidi,
Lembau Ku Idup, Manah Agi Mati,
Sebedau Nuan Ninggal Ke Aku,
Enda Ku Sanggup...Kediri Baka Tu...

Saturday, 6 June 2009

Nuan kena pugai belalai - Linda


enggau gaga ati ninga nuan minta aku

ni enda aku nyambut saut enggau enda ngelebu

sigi aku karap nuan siku lelaki

ti tau enggau aku saum ke siti ati


Nyau lama begulai ulah nuan nyelai

pengerindu tua renggan laya mayuh ka nyadi

nyau enda semakai bejalai enda sekaki

duduk enda berimbai melakang ke pangan diri



Ko tuju ati sigi ka panjai begulai

bebilik ruang pan deka baka urang bukai


Enda ku nyangka puntan ba tengah jalai

meda nuan suba sayau enggau mentas amai



udah nuan tekena ke amba pugai belalai

aku lalu disingkir baka gesai ke tikai



asai ke nadai penyai aku enggau nuan

ku intu enggau mentas pengerindu aku meruan

tang nuan sulu enda ngipak ke pengeran

enti suba ku nemu kapa ku nerima nuan



Pengerindu Betuchik Laman- Winnie Albert


nama kebuah aku mesti nyabak

nemu nya nuan ukai sulu ku agi

nuan endang enda empu ati sinu

sengaja nuan ngemedis ke ati aku


Landik amat nuan belalai ke aku

nuan madah diri nadai sulu bukai

pandai amat nuan nya bekelulu

semitan engkeman nadai berupai


Bisi penulah nuan ngaga ku bakanya

nadai nuan ngira pemanah budi aku

enda patut petara nadai ngemata

mulai ke penyai nya ngagai nuan empu


senang amai nuan sulu udah beduan

aku enda sedar pengerindu nuan betuchik laman

anang nuan gaga muai ku pia aja

ingat nuan dendam ulih padam tekalat nya

Sumpah Tua -Natala & Ery


Kendas ai mata nuan sulu

labuh baka terutu ujan nyala lemai

anang sinu ambai

ku tetap pulai enda temu penatai


Kati ke aku enda sinu

aku enda kala ditinggal ngelamatu

nuan pegi nyaga menua

begdadai seput begadai nyawa



Sama-sama meh tua nyaga diri

anang nuan belaki


sama-sama meh tua nyaga diri

anang nuan bebini


Anang meh tua ngelanggar sumpah enggau janji



Sium dulu kuyu ku sulu

nyangka seput ku padam di sempadan

sium dulu jari ku sulu

nyangka ku lesi enda mulaika diri


Anang nuan nepang diri

aku besampike nuan gerai berari

pemulai nuan aku anti

disambut gaga labuh ai mata

Thursday, 4 June 2009

Biar Mati di Tangan Sulu - Michael Jemat

Oh wai sulu di atiku
nuan ngasuh tusah selalu
mayuh dara udah ku temu
apin kala asai bakatu

dini alai nuan ambai
lama amat udah enda datai
ai mata labuh keberai
nyabak ke nuan enda berasai

Ati aku tusah berari
ngenang nuan ti udah pegi
kini alai tunga pejalai
aku ka nitih ke nuan ambai


Badu nuan ninggal ke aku
aku ditu seilu-ilu
aku enda mudah ka ngiga baru
biar ku mti di tangan sulu..

Friday, 29 May 2009

Flora - Jerry Kamit

NUAN MEH SULU KU SAYAU
TI NGASUH ATIKU SERUAN RINDU,
NUAN MEH AJA AMBAI
TI DISEMAMPAI DI PILIH AKU ... .

MAIA TUA BEGULAI
ASAI KE ATI KU DI PUPUT RIBUT
MAIA TUA BETEMU
ASAI KE NYAWA KU DIIMBIT BATU

SAYAU..SAYAU BUAH ATIKU
NUAN TETAP KU NGENA SEILU-SEILU
DINGA..DINGA MEH SADAKU
AKU MERINDANG MERI PENGERINDU


KETEGAL ATI KU O...DARA
KETEGAL SAYAU AKU PEN SANGGUP
FLORA.....INTAN PERMATA
FLORA....SEPUT NYAWA KU......

Lelengau - Nai Dinamik

Ninting Lemai Ku Nanya
Ninting Lemai Ku Ngiga
Kini Ka Panunga
Nuan Di Atu Dara

Aku Ngajih Ka Tua
Ulih Bertemu Mua
Lelengau Atiku
Rindu Ka Nuan Sulu


Naka Penyayau Ati
Aku Ka Nuan Dara
Enti Maya Ku Rindu
Mua Nuan Slalu Ayan
Tang Udah Selatan Tua Jauh

Kasih Aku Meda
Nuan Dara
Ditinggalka ku Ngapa
Saban Ari nuan Nganti
Penatai Aku Enda ga Aku Pulai

Kada Nuan Agi Sayau
Kada Nuan Agi Rindu
Irau Amai Atiku
Rindu Ka Nuan Sulu

Selendang Biru- Stevenson

selendang warna biru
pengingat tua besulu
agi meruan ku simpan
ketanda tua bepangan..

sulu aku anang irau
aku semampai sayau....
enda aku ngelengka
seagi seput di dada

rindu rindu ku rindu..
sayau seribu penyayau
taja nuan jauh di mata
di ati semak belama

dinga meh nuan sulu
ingat meh ke janji tua
nyemak tua nda ulih sejalai
di surga tua tetap begulai

Siti Penanggul Antara Tua - Rickie Andrewson

nuan meruan ku sayau
nuan aku rindu...
enda disagi aku lenyau...
ninting ari ku selalu ngundang
nuan ku jaga malam enggau siang

tua enda ulih beserara
idup semati sigi enda mudah ngelengka
taja pen maioh macam penguji
nanggur pengerindu tua tuci
tua nadai peduli

semina siti penanggur ba tua...
kelimpah ti enda ulih niri ke rumah tangga
ketegal laban tua ti enda seugama enda sama bangsa.....

taja pen tua enda ulih jadi..
tua endang tetap begulai enggau pangan diri
laban ati tua mutus sama bela keran
enda ngayah ke pangan...

tua enda ulih beserara
idup semati sigi enda mudah ngelengka
taja pen maioh macam penguji
nanggur pengerindu tua tuci
tua nadai peduli...

Bujang Runggu Ensing - Ricky El

kasih meh tudah diri
bangat nadai pemandai
enda landik di tunjuk jari
tusah amai ka ngiga bini

indu dara amat lawa
enggai ke laki ke nadai kerja
enti aku nyadi cikgu
nya baru sida setuju

nadai ngawa ku lama bujang
asal ati ku teperindang
enda ibuh di kumbai bujang skrang

ila meh ku kerja ngagai tasik saudi arab bia
gaji besai duit dibai ku pulai

baru sida ya nemu
nesal diri enggai ke aku
taja pan nadai pemandai
ulih ga nyadi tauke besai

ti peda tak runggu ensing
ti terebai apus ga sungai
indu dara nyau nyeling�
agi laku ga bujang tuai

Anang Nguji Aku -Stevenson

taja baka ni
pengawa di gaga nuan.....
dikena ngasuh aku benci ke nuan
aku ka nguji
deka aku ngelaban...
laban aku sedia nerima...

taja pen maioh..ulah di gaga nuan
dikena ngasuh aku lari ari nuan
sigi enda mudahku ngelengka ke nuan
laban ati aku udah keran.......

kati tu bedau cukup agi
ati aku tu ditundi
ulah nuan ti di sengaja
dikena nguji ati ku........

ati aku anang di uji
laban aku rindu berari
pengerindu ku anang di tagang
laban nuan ngasuh aku lantang

ati aku anang ditipu
laban aku cukup pengerindu
pengerindu ku anang nuan irau
laban nuan amat ku sayau.......

Sulu Anang Berubah _ Stevenson

tiap hari ati lelengau,
merampau ke nuan.
tiap hari ati beraie,
ngenang nuan ti jauh.

pengudah nuan pergi,
aku berasai sunyi,s
inu ati ku tinggal kediri.

kada nuan rindu ke aku sulu
agi sayau baka dulu
ninting hari aku besampi
tua begulai ila

aku arap ke nuan sulu
ingat ke janji tuai
dup mati tetap sekunsi...

mina ngagai petera ku nyada
sangkung nasid aku enggau ya


sulu ku anang meh berubah
sulu ku anang meh ngelengka
nadai agi orang di ati aku
mina nuan sulu di kesayau

ku bejanji besumpah ngibun nuan
di dunya tauka di surga
ati tua nyadi satu...ooo....

Thursday, 21 May 2009

Pulai Meh Sulu - James Ruai

merampau aku ditu merampau
ambai ti ku sayau enda peduli
kediri tudah ku ditu kediri
nadai urang sanggup merindang ati

kini ke aku tu mai diri
enda temu tuju ka nyingkang ke kaki
ka nitih ke nuan sulu ati
nuan nadai temu ku bekau agi

diatu semina ku siko
bayam pengingat tua dulu
ku nganti tetap nganti nuan
mulai kediri kitu sulu.......
pulai..pulai meh nuan ambai
anang ninggal ke aku

o..suludini meh nuan diatu
bisi ke nuan ninga... sebana ati ku...
ti nyema agi bisi tugi pengerindu
kitu meh nuan ambai kitu
kasih meh ke akuo..o..o..suluku
o..o...o..pulai meh sulu...

Enggai Nguna Aku - James Jacob

sekumbang ti bepangan
ati tua sama keran
enda kala nuan maioh leman
nadai kala ku minta
endang enda ku nyangka
pengerindu tau lebus

angka ku nuan semina
bejako bungah aja
nya ngujung ke aku perasa
suah udah nuan ngadu
madah enggai ke aku
sampai ke ku di anu


nuan semampai ku andai
ngica ke nuan enda muai
biar ku ngalah diri
asal nuan enda benci
nya alai ku enda nyangka
jako nuan mai baka nya
minta mai beserara


mina tegal nuan enggai
meda ku nadai pemandai
gawa pen enda setipak
baka urang bukai....
nyangka nya nuan malu
ngambu aku ke sulu
lalu enggai nguna aku.....

Bintang Ati - Rickie Andrewson

Beterus terang aku madah
ngagai nuan enggau manah
Bejanji lalu besumpah
semua aku serah


Amai pan bisi penguji
ngeruga ba ati
Ku tetap nyabar diri
ketegal nuan bintang ati


Nuan endang aku sayau
seagi nyawa bedau
Nuan endang aku rindu
semampai enda leju


Nuan bintang ati
mar mudah udah diuji ambis ku sepi
Nya ngasuh ku enda ngira rugi


Nuan bintang ati
nuan diandai aku berari tetap tuchi
ati tua dua diatu nyadi siti
oo....

Sayau Semaya Balang- Ita Medin


Lama amai nadai bepeda
berita pan nadai agi didinga
Ukai semina sebulan dua
tang nyau datai lebih ari setaun


Penusah ati enda ulih dikira
Ngenang sulu sanggup ngelengka
Sampai meh ati nuan ambai
Aku dilengka sereta dibuai


Agi ke enda nuan ingat
semaya tua ti dulu
Lapa nuan jampat amat
berubah pengerindu


Sayau semaya tua balang
nuan udah diempu urang
Nyangka ukai nasib tua jadi
enda ulih sekunsi

Monday, 27 April 2009

Buya Bepangan Aja - Paul Erica

Bepangan enggau nuan aku nesal diri
Begulai tua mina masau ari
Nuan dara ti aku anti
nemu nya nuan udah dulu belaki


Janji semaya tua dulu suba
deka niri ke rumah tangga
Tang diatu mina nyadi mimpi
Nya meh ngasuh ati aku beraie


Sampai ke belaya tua bepangan
Nuan udah ninggalke aku
Nuan ngasuh ati aku lebu
semina buya bepangan aja


Nadai meh reti aku ngenang nuan agi
nuan udah bisi urang ke ganti
lebu amai aku meri pengerindu
Nemu nya nuan malas ku enggau pemenchi

1001 - Ernesto Kalum

Ari ninting ari
Sayau ninting sayau
Tua sigi serasi
Begulai ngau pangan diri

Aku tetap sayau
Aku tetap rindu
Tua nanggam pengerindu
Naka ka pengujung ari...

(chorus)x2Seribu satu...gambar tua sulu..
Mai aku pulai kemaia dulu
Asai ka...baru kemari
Tua duduk berimbai..
Baka ia ditu...

lagu pengerindu tua...
Di ati ku belama...
seribu satu gambar...Ti ngasuh ku...
woo...Seilu..ilu...

Lagu dinga lagu
Leka ninting leka
Lagu ati pengerindu
Nuju ka nuan siko...

Saturday, 25 April 2009

Engka - Ethnic Transmission

Dini nuan, kini nuan,
bisi enda lama lalu nuan lenyau
Aku berunding, nama kebuah,
nama ti ngasuh nuan ke nyau

Engka nya, engka tu, ngasuh tua baka tu

Engka, nuan sigi sayau ka ku,
tapi nuan malu, nadai nemu nyebut,
kati ngatur jaku, ka madah ke aku,

taukaEngka, nuan sigi nadai ati,
nuan enda peduli, nadai madah kini, ninggal ku kediri,

Engka nadai guna, aku ngiga, utai ti sigi, nadai ba dia,

Ku ka ninga, nama berita, nama gaga nuan gerai tauka enda
Tulis surat, kirim meh salam, ngambi ku nemu pagila lusa

Engka nuan teperasa, laban laya tua suba,

Engka, nadai ku di peda nuan,
engka ku berumban, mai nuan bepangan,
minta ampun sulu, semua penyalah ku,

tauka Engka, nuan kala patah ati,
nuan alit ati, nuan enda berani,
nuan enggai beraie agi

Ulih ka nuan ninga, ati aku ngumbai,
padah meh kemaya, nuan deka pulai

Engka, nuan sigi sayau ka ku,
tapi nuan malu, nadai nemu nyebut,
kati ngatur jaku, ka madah ka aku,

taukaEngka, nuan sigi nadai ati, n
uan enda peduli, nadai madah kini, ninggal ku kediri,

Engka nadai guna, aku ngiga, utai ti sigi, nadai ba dia

Ngentuk Ke Mimpi - Stella Philip


Ransing atiku bai kelalu tusah
ai mata labuh nerutu
Maya nuan madah kebuah
nuan empai ulih jadi enggau aku


Mimpi changka enggai enda dipenyadi
nya kebuah ku ngalah ke diri
ngasuh nuan jadi enggau iya
Laban ko nuan mina enda lama

Ko jaku nuan suba
mina ngentuk ke mimpi
nuan ambai jadi enggau iya

Ku diasuh nganti setaun dua
nganti nuan ngatur diri beserara enggau iya


Chukup lama aku udah nganti
penuh tanda tanya dalam ati
Kada nuan ngentuk ke mimpi
anang aja nuan terus mungkir janji

Baya Pantai - Melissa Francis

Perasa amai aku ninga jaku nuan
perasa amai aku laban janji nuan
enda berasai aku labuh pengerindu
ambis ati lalu teraju


Kumbai ku nuan bujang ti tampun puji
sangka ku nuan urang paling mereti
Di mua aku jaku manis bebungai
di belakang enggau urang bukai


Enda ku nyangka ati nuan bechabang dua
bejalai biluk ke kanan
biluk ke kiba
Janji semaya sumpah nuan enggau aku
diatu semuanya nyadi abu


Kumbai ku nuan baka intan berega
nemu nya nuan nyadi bunsu baya


Nuan tu bujang amat kelalu pama
nyau bekin kia urang ke nyadi mangsa
nyau kulu kili nuan makai ngeradai
nyau nyadi,,baya pantai

Enda Ulih Telai Belalai - Rickie Andrewson

UKAI SENGAJA ENGGAI KE NUAN
ENDA SENGAJA MUAI NUAN
NUAN DIATU NYAU MAKIN RIGIH-RIGIH
NGAGA DIRI NYAU LEBIH-LEBIH

MIMIT PENYALAH LALU RINGAT
NGANU SEBARANG ENDA BETEMPAT
NUAN ENDA MALU KE URANG BUKAI NINGA
BAKA URANG KE NADAI SEKULA

NAMA TUJU ATI NUAN BAKATU
ENTI NUAN KA SEJALAI ENGGAU AKU
NUAN ENDA BAKA PERANGAI INDU BUKAI
NYAU ENDA ULIH DI TELAI BELALAI

PUAS AKU BERUNDING KEDIRI
MEDA PEMANGAH NUAN NYAU MAKIN NYADI
BAKA API NUAN NYAU MAKIN NYERARAI
LAMA LAUN ENDA PANJAI BEGULAI

DIATU TUA NGATI KEDIRI
TUA BEANTARA KE DUIT SERINGGIT
BEGULAI PAN TUA NADAI MEH RETI
ENTI PENGERINDU UDAH NADAI AGI

Bujang Simanggang - Joyce Menti

Belala asai begulai enggau nuan bujang
betanda semalam-malam
maya pengerami mangkung tiang


Tegepang telentang
meda penyigat nadai endur mantah
Ku nanya dini menua nuan
nuan madah diri urang simanggang



Malam nya tua bejanji
minggu siti ke tebing pantai
Pengerindu baru ngerembai
beketup sima enda berasai



Udah nya tua bejanji
bulan siti betunga tuai
Pengerindu majak bebungai

bepegai jari enda berasai


Lubah amat jam beputar
lubah amat ari betukar
Atiku nyau bedebar-debar
jantung dedegup tubuh gegetar



Ka berandau enggau nuan ambai
ngimbai di tisi
aku rindu ke chara nuan
enda ngerigang diri


Oh nuan bujang simanggang
di ati berari

Cemburu - Jennifer Jack

Cemburu cemburu
tanda aku sayau
ke nuan dikerindu
malam aku ngigau




Penyigat nuan ambai
ngasuh aku gila
tubuh kurus enggai makai
laban sakit angau




Suba tua besemaia
deka idup begulai sama
Tang diatu sulu udah lenyau
Ngasuh atiku merampau