Anang ngansak sesemak -Wendy

Tebang tebang kayu
Tebang kayu tapang tuai
Sapa ka ke aku
Tanya dulu apai enggau indai
Anang ngansak sesemak sesemak

Enti kerepai nadai utai
Anang ngansak sesemak sesemak
Enti ukai tokey besai

Tebang kayu ti besai
Tebang ngena beliung baru
Enti kantau enda besai
Anang nguji ka nyeling aku

Anang ngansak sesemak sesemak
Enti ukai bepangkat besai
Anang ngansak sesemak sesemak
Enda tebelika emas mesai pinggai

Beliung manah pantap
Baur tegap mata ngerembai
Beduit pengidup entap
Enda jejenggap pengidup nyamai

Anang ngansak sesemak sesemak
Enti kerepai nadai utai
Anang ngansak sesemak sesemak
Enti ukai tokey besai

Kayu ti udah rebah
Anang lubah ambi alu san
Ulah ti enda manah
Patut di ubah nyadi meruan

Bungai Ambai Kesulai – Hailey & Wendy

Oh bungai
Dinga meh serebana aku mimpi rawan
Semampai nujah
Ombak tasik gegilik serepan dalam
Iga nuan enda sinu
Ninga aku nyabak sesedan
Ninting ari
Nadai lepa minta japai jari nuan
Oh…………..oh..ohhh..
Oh….bungai

Sayau nuan kesulai
Rerangai enda ulih terebai
Kelalu suah
Patah penepan nadai penyangkai
Kasih meh
Aku ninga sera nyawa nuan memelan
Nyapa leka sebana
Diemperan menasan puntan
Oh………oh..ohhhh..
Oh….kesulai

Oh dini nuan bungai
Ti benung ngerembai
Sada ngawa didinga
Tubuh enda berupai

Ditu aku kesulai
Nganti penatai tiap lemai
Aku sedia ngubat telih nuan
Nyentuk ke gerai

Terima kasih bungai
Nuan sanggup nerima aku
Nyadi ke sulu
Padam ke meh api serebana
Anang meh ngelebu atiku

Badu agi nuan sesindau
Terebai ngiga bungai bukai
Semina ke nuan aku aja
Diempu nuan nyadi ke ambai

Aram meh tua belayar
Sekapal nuju meligai pengerindu
Anang ati kakang
Ngerenchah gelombang pasang tasik biru
Anang nangi anang ransi
Napi umbak api penguji
Pegai teguh semaia janji
Begulai sejalai idup sekunsi